Ватыканскі іерарх: успамін трагедыі ў Нагасакі – заклік да малітвы за мір
У японскім Нагасакі
адбылася св. Імша ў інтэнцыі міру і ахвяр атамнай бамбардыроўкі Японіі, якая была
дзейснена напрыканцы ІІ Сусветнай вайны ЗША. У літургіі прынялі ўдзел японскія каталіцкія
іерархі, Апостальскі нунцый у гэтай краіне арцыбсікуп Джозэф Чэнот, шматлікія святары
і вернікі. Спецыяльна да ўдзельнікаў Эўхарыстыі скіраваў сваё пасланне былы сакратар
Папскай рады па міжрэлігійным дыялогу арцыбсікуп Пьер Луіджы Чэлата. Ён адзначыў,
што трагедыя, якая адбылася ў Нагасакі 67 гадоў таму з’яўляецца напамінам аб неабходнасці
пастаннай і руплівай малітвы за мір. “Вызнаўцы розных рэлігій пакліканы да супрацоўніцтва
з усімі ў будаванні міру, робячы асаблівы ўклад у адпаведнасці са сваімі духоўнымі
традыцыямі, якія можна акрэсліць паняццямі “спачуванне”, “міласэрнасць”, “прабачэнне”
і “любоў”, - падкрэсліў арцыбіскуп.
Іерарх заклікаў вернікаў памятаць, што
мір з’яўляецца дарам Бога, а таксама заданнем, якое Ён даверыў людзям. “Езус запрашае
нас да вялікай місіі любові: маліцца і дзейнічаць, каб мір умацаваўся паўсюль і з
ім магло заквітнець новае жыццё. У гэтым заключаецца змест благаслаўлення, абяцанага
Настаўнікам: “Шчаслівыя міратворцы, бо сынамі Божымі будуць названы”, - сказаў арцыбіскуп
Чэлата.