Սուրիական Ընդդիմութիւնը Կը Հալածէ Քրիստոնեաները- Global Research-ի Անդրադարձը։
՜՜Վատիկանէն մինչեւ Սուրիոյ մէջ գործող՝ քահանաները զեկուցած են, որ սուրիական ընդդիմութիւնը
կը հալածէ քրիստոնեաները՝՝ նման ահազանգով Global Research-ը կը սկսի իր անդրադարձը`
յաջորդիւ գրելով, որ նոյնիսկ New York Times-ը սկսած է ճշմարտութիւնը հաղորդել:
GR-ի
գնահատականով` «Սուրիոյ 2,3 միլիոն քրիստոնեաները, որ կը կազմեն երկրի բնակչութեան 10%-ը,
ընդհանուր առմամբ աւելի արտօնեալ դիրք ունեցած են Ասատներու օրօք` նոյնիսկ աւելի, քան
շիական ալաուիներու համայնքը, որմէ կը սերի նախագահ Պաշշար Ասատ»:
Յօդուածագիրը,
վկայակոչելով Սուրիոյ քրիստոնեաներուն, կը գրէ. «Եթէ անոնց յեղափոխութիւնը բոլորին համար
է, ապա ինչո՛ւ թիրախ կը դարձնեն քրիստոնեաները»:
GR-ի կարծիքով Մարտին «Սուրիոյ
ազատ բանակ»ին պատճառով Հոմս նահանգի Համիտիա եւ Պուսթան Ալ Դիուան շրջաններէն վտարուած
80 000 քրիստոնեաները այլեւս իրենց տուները վերադառնալու հեռանկար չունին:
Յօդուածագիրը
կ'ընդգծէ, որ «շատեր, որոնք ժամանակին վարչակարգին կը վերաբերէին իբրեւ աւազակապետութեան,
այժմ զայն կը համարեն Սուրիոյ վտանգուած համագոյակցութեան լաւագոյն երաշխաւոր»:
Ահա
թէ ինչո՛ւ, շատ քրիստոնեաներ, ալաւիներ ու նաեւ սուննիներ, զէնք կը հաւաքեն` Ասատը պաշտպանելու
համար