Անանի Խորհուրդը. Փութին Ու Օպամա Պէտք Է Համոզեն Ասատը Հեռանալու։
Ռուսիոյ եւ ԱՄՆի նախագահները պէտք է խիզախութիւն ու առաջնորդի բնորոշ յատկանիշներ դրսեւորեն,
որպէսզի Սուրիան փրկեն աղէտէ. «Ֆայնենշըլ Թամզ»ի էջերէն նման կոչով մը հանդէս եկած է
Սուրիոյ հարցով նախկին յատուկ պատուիրակ Քոֆի Անան: «Սուրիան տակաւին կարելի է փրկել
վատթարագոյն աղէտէն: Սակայն անոր համար անհրաժեշտ է, որ ՄԱԿի Անվտանգութեան խորհուրդի
մշտական անդամները, ներառեալ նախագահներ Վ. Փութին եւ Պ. Օպամա, խիզախութիւն ու առաջնորդներու
բնորոշ յատկանիշներ դրսեւորեն», գրած է Անան՝ «Սուրիան փրկելու վերաբերեալ իմ եզրափակիչ
խորհուրդները» խորագրեալ իր յօդուածին մէջ: Անան ակնյայտ կը համարէ այն իրողութիւնը,
թէ Սուրիոյ նախագահը պէտք է հեռանայ, սակայն իր կարծիքով՝ ռազմական միջամտութիւնը չի
կրնար լուծել այդ ճգնաժամը: Խնդիրին քաղաքական լուծում տալու համար, ըստ Անանի՝ հարկաւոր
է, որ հակամարտութեան կողմերուն վրայ ազդեցութիւն ունեցող երկիրները համատեղեն իրենց
ջանքերը: Անոր խօսքով՝ մասնաւորապէս Ռուսիան, Չինաստանը եւ Իրանը պէտք է համաձայնեցուած
ձեւով Սուրիոյ ղեկավարութիւնը համոզեն, որ իրականացնէ քաղաքական անցման ծրագիրը, նաեւ
իրենք զիրենք համոզեն, թէ ներկայի ղեկավարութիւնը կորսնցուցած է իր խոհեմութիւնը: