Старшыня Папска рады
па новай евангелізацыі скіраваў пасланне арганізатарам і ўдзельнікам Кангрэсу “Renovabis”,
які пройдзе ў нямецкім Фрайзінгу, каля Мюнхена, з 30 жніўня па 1 верасня. Арцыбіскуп
Рына Фізікела выказаў “вялікую радасць, што існуюць падобныя Кангрэсы, якія надаюць
дынаміку новай евангелізацыі”. “Разам з пабудовай храмаў, для “Renovabis” быў і застаецца
адным з галоўных клопат, каб вера і дзеянне былі адным цэлым. Евангелізацыя можа адбыцца
толькі праз глыбокае ўнутранае аднаўленне веры, выказанай новай мовай і новымі формамі”,
- перакананы ватыкаснкі іерарх.
Амаль 340 удзельнікаў з усёй Еўропы 16-га па
ліку Кангрэсу будуць дыскутаваць над тым, якім чынам наблізіць сённяшняга чалавека
да веры, а веру да чалавека. У сувязі з гэтым, тут будуць абмяркоўвацца таксама спосабы
евангелізацыі на кантыненце, асабліва ў яго ўсходняй частцы. Галоўным дакладчыкам
форуму ў гэтым годзе стане арцыбіскуп Роберт Цоліч, старшыня нямецкага епіскапату.
На ім будзе прысутнічаць таксама прадстаўнічая дэлегацыя з Беларусі, у якую ўвойдуць
прадстаўнікі як Каталіцкага Касцёла, так і Праваслаўнай Царквы.
“Renovabis”
– каталіцкая дабрачынная арганізацыя, якая аказвае дапамогу краінам усходняй і цэнтральнай
Еўропы, што найбольш пацярпелі ад атэістычнай сістэмы камунізму, у якіх былі знішчаны
рэлігійныя структуры, а хрысціянская супольнасць зведала пераслед за веру. Пры падтрымцы
“Renovabis “ у Беларусі было рэалізавана вялікая колькасць душпастырскіх, інфраструктурных,
медыйных праектаў. Шчыльнае супрацоўніцтва паміж Каталіцкім Касцёлам у Беларусі і
дабрачыннай арганізацыяй працягваецца і сёння.