Հայ եւ Թուրք Երաժիշտները Հանդէս Պիտի Գան Սթամպուլի եւ Պեռլինի Մէջ
Հայ եւ թուրք երիտասարդ երաժիշտներէ կազմուած Թուրք-հայկական երիտասարդական սիմֆոնիկ
նուագախումբը այսօր երեկոյեան հանդէս կու գայ Սթամպուլի Պոսֆորի համալսարանի Գարանտիի
մշակութային կեդրոնի բեմին, իսկ Օգոստոս 3-ին` Պեռլինի մէջ, կը յայտնէ Hurriyet-ը:
Նուագախումբի
մէջ ընդգրկուած է Թուրքիոյ եւ Հայաստանի 56 երիտասարդ երաժիշտներ: Իբրեւ խմբավար հանդէս
կու գայ Աքպանքի Կամերային նուագախումբի խմբավար Ճեմ Մանսուրը, իսկ մենակատարը կ’ըլլայ
դաշնակահար Աշոտ Խաչատրեանը: Ծրագրի մէջ ընդգրկուած են՝ Պեթհովըն, Ալեքսանդր Սպենդիարեան,
Ֆերիթ Թիւզուն: Նուագախումբը փորձեր կ’իրականացնէ Յուլիս 23- էն ի վեր։ Առաջին
անգամ հայ եւ թուրք երիտասարդ երաժիշտները համատեղ ելոյթ ունեցած էին 2010-ի Յուլիսին`
Պոսֆորի համալսարանի եւ Անատոլու Քիւլթուր կազմակերպութեան աջակցութեամբ: Նախաձեռնութեան
հեղինակներն էին Ջեմ Մանսուրը եւ Նուարդ Անդրէասեանը, նպատակն էր սատարել երկու երկիրներու
միջեւ խաղաղութեան հաստատմանը:
Այս անգամ Սթամպուլի եւ Պեռլինի մէջ հայ-թրքական
ելոյթի իրականացման կ’աջակցին նաեւ Գերմանիոյ եւ Թուրքիոյ ԱԳՆ-ները: