Պենետիկտոտս ԺԶ Քահանայապետը անուանեց կարտինալ Սանդոս Ի Գասդելլօ որպէս իր յատուկ
նուիրակը գլխաւորելու Ալպանիայի Սաբէ թեմին հաստատումին 950-րդ տարեդարձի հանդիսութիւնները։ Աղեքսանտր
Բ Քահանայապետի կողմէ 1062-ին հիմնուած թեմի տօնախմբութիւնները տեղի պիտի ունենան 29
սեպտեմբեր 2012-ին։ Ներկայիս թեմը կը հաշուէ 70 հազար կաթողիկէ հաւատացեալ` քաղաքին բնակչութեան
մէկ երրորդը։ Յայտնենք որ, Վատիկանի տուեալներուն համաձայն, Ալպանիան ներկայիս կը հաշուէ
3,1 միլիոն բնակիչ, որուն կէս միլիոնը կաթողիկէ են ։ Կարտինալ Սանդոս Ի Գասդելլօն
նոյեմբեր 2011-էն սկսեալ պատասխանատուն է Հռոմի Տիրամօր աւագ եկեղեցւոյ։ Ան նախապէս
ծառայած է Ս. Աթոռի դիւանագիտութեան մէջ եւ մասնաւորապէս Պալքանեան երկիրներու մօտ։