Галоўны рабін Рыма: яўрэі і католікі паміж мінулым і будучыняй
Рыкарда Дзі Сэньі
падзяліўся сваімі назіраннямі за адносінамі, якія ў апошні час склаліся паміж яўрэйскай
супольнасцю і Каталіцкім Касцёлам. 63-гадовы рэнтгенолаг у 2002 г. атрымаў пасаду
галоўнага рабіна Рыма, якую займае да сённяшняга дня. За гэты час Дзі Сэньі атрымаў
высокую ацэнку ўнутры яўрэйскай супольнасці і за яе межамі за інтэлектуальную сумленнасць,
з якой адкрыта кажа пра абмежаванні і праблемы міжрэлігійнага дыялогу. Рабін таксама
шчыра кажа пра пэўную напружанасць, якая існуе да сённяшняга дня паміж яўрэямі і хрысціянамі
Рыму.
Адносіны паміж рымскімі яўрэямі і хрысціянамі заўсёды дваістыя: з аднаго
боку, ёсць асадак ад мінулых часоў, з іншага – паўсядзённасць, суіснаванне, дружалюбныя
адносіны, прызнаўся Дзі Сэньі ў інтэрв’ю выданню “Terrasanta” і дадаў, што ў самой
яўрэйскай супольнасці часта паўстаюць антаганізмы. Варта ўзгадаць візіты Яна Паўла
II і Бэнэдыкта XVI у Вялікую сінагогу Вечнага гораду, пасля якіх узнікла вельмі розная
рэакцыя з боку яўрэяў па ўсім свеце: “некаторыя апладзіравалі, іншыя паддалі нас жорсткай
крытыцы”, - прызнаўся галоўны рабін сталіцы Італіі.
Ён лічыць, што Бэнэдыкта
XVI трэба разглядаць з пункту гледжання яго характару. “Ёзэф Ратцынгер належыць да
групы тэолагаў, для якіх сувязь з юдаізмам з’яўляецца пытаннем першараднай важнасці”,
- упэўнены Рыкарда Дзі Сэньі. “У мяне склалася ўражанне, што Папа глядзіць на дыялог
з яўрэйскім мірам з абсалютнай павагай. Не прымаючы гэта пад увагу, не магчыма зразумець
яго і нашу пазіцыю па адрозненнях паміж намі”, - дадаў ён. Галоўны рабін Рыма лічыць,
што ў падчас цяперашняга пантыфікату яўрэі і католікі знаходзяцца ў фазе суіснавання
і добрасуседства.