Պենետիկտոս ԺԶ Սրբազան Քահանայապետի յառաջիկայ 14 - 16 սեպտեմբեր Լիբանան կատարելիք առաքելական
այցելութեան առթիւ անցեալ 19 յուլիսին Պէյրութի մէջ մամուլին ներկայացուեցաւ Ճամբորդութեան
պաշտօնական կայքէջն ու Նշանապատկերը։ Սրբազան Քահանայապետը` Սուրբ Պետրոսի յաջորդը`
ներկայացուած է որպէս խաղաղութեան աղաւնի` երկրի վրայ խաղարարար պատգամաբեր։ Այս աղաւնին
կ՛ուղղուի դէպի այն երկիրը զոր երջանկայիշատակ ՅՊԲ Սրբազան Քահանայապետը ներկայացուցած
էր որպէս << աւելի քան երկիր` Լիբանանը պատգամ մըն է>> ։ Նշանապատկերի կարմիր կանաչ
եւ ճերմակ գոյները կը ներկայացնեն Լիբանանու դրօշի գոյները։ Մէջտեղ զետեղուած լիբանանը
խորհրդանշող մայրրի ծառը։ Նշանապատկերի եզերքին զետեղուած է նաեւ խաչ մը` ներումի եւ
փրկութեան խաչը։ Հաւատք, աղօթք եւ խաղաղութիւն արտայայտող այս նշանապատկերը կը յայտնէ
թէ դէպի ազատութիւն տանող միակ ճանապարհը մեր Փրկիչին Խաչն է։