Նախագահ Սարգսեան Ներկայ Կը Գտնուի Ողիմպիական Խաղերու Բացման Հանդիսութեան։
Ուրբաթ 27 յուլիսի երեկոյեան ժամը 19.30 Լոնտոնի Օլիմբիք Սդատիում կոչուած մարզադաշտին
մէջ սկիզբ տեղի կ՛ունենայ Ողիմպիական 30րդ Խաղերու 2012-ի բացման արարողութիւնը որուն
ներկայ կը գտնուի նաեւ, ուրիշ երկիրներու ղեկաւարներու շարքին, Հայաստանի Հանրապետութեան
նախագահ` նախագահ Սերժ Սարգսեան: Նախագահը նոյն օրը պիտի մասնակցի նաեւ Անգլիոյ Էլիզապեթ
Բ. թագուհիին անունով տրուող ընդունելութեան: Աշխատանքային այցելութեան շրջագիծին
մէջ հանրապետութեան նախագահը Բրիտանիոյ մայրաքաղաքին մէջ պիտի մասնակցի նաեւ բրիտանահայ
համայնքի, եկեղեցական խորհուրդի եւ «Հայաստան» համահայկական հիմնադրամի Բրիտանիոյ գրասենեակին
կողմէ կազմակերպուելիք ընդունելութիւններուն: Ողիմպիական խաղերու առթիւ ՀՀ նախագահը
մը ուղերձ յղած է ողիմպիական խաղերու հայաստանցի մասնակիցներուն` Սիրելի մարզիկներ
եւ մարզիչներ. Հայաստանը հերթական անգամ իր պատուիրակութեամբ կը ներկայանայ համաշխարհային
գլխաւոր մարզահանդէսին` ամառնային ողիմպիական խաղերուն:
Համոզուած եմ, որ պատուով
պիտի ներկայացնէք մեր երկիրը, ազնիւ մրցակցութիւն պիտի ծաւալէք մրցասպարէզներու մէջ,
լիովին պիտի դրսեւորէք ձեր վարպետութիւնը, հմտութիւններն ու պատուով պիտի պաշտպանէք Հայաստանի
մարզական դրօշին պատիւը:
Անշուշտ կը գիտակցիք, որ ձեր մրցելոյթներուն ուշադրութեամբ
պիտի հետեւին Հայաստանի եւ Սփիւռքի մեր հայրենակիցները: Կը հաւատամ, որ պիտի արդարացնէք
սպասելիքները, նոր նուաճումներով պիտի հարստացնէք ողիմպիական խաղերու հայաստանցի ախոյեաններու
եւ մրցանակակիրներու շարքը եւ ձեր արժանի տեղը պիտի գտնէք հայրենական սփորթի պատմագիրքին
մէջ:
Անձամբ պիտի հետեւիմ «Լոնտոն– 2012»-ի ընթացքին, պիտի ըլլամ հայ մարզիկներու
ջերմեռանդ սիրողներէն մէկը:
Աւելին, կը փափաքիմ ըլլալ ձեր յաղթանակներուն
ականատեսը, որպէսզի միասին ապրինք յաջողութիւններու բերկրանքը:
Զինուինք համբերութեամբ`
յաղթանակներու ակնկալիքով: Ձեզ բարի ճանապարհ եւ յաղթական վերադարձ: