Աղօթքի Մարաթոն Ի Պատրաստութիւն Պենետիկտոս ԺԶ Սրբազան Քահանայապետի Լիբանան Այցելութեան
Օգոստոս ամսուընէ սկսեալ Միջին արեւելքի քրիտոնեաները աղօթքի մարաթոն մը կազմակերպած
են ի պատրաստութիւն Պենետիկտոս ԺԶ Սրբազան Քահանայապետի Լիբանան կատարելիք առաքելական
ճամբորդութեան (14-16 սեպտեմբեր)։
Լիբանանու Պքերքէ շրջանէն մինչեւ Պաղտատ` անցնելով
Ղազզայի Սուրբ Ընտանիք ժողովրդապետութենէն, նոյնանման աղօթքներ պիտի արտասանուին, մարոնիթ,
մէլքիթ, քաղտէացի, ասորի եւ հայ կաթողիկէ եկեղեցիներու մէջ, մասնակցութեամբ նաեւ քոյր
եկեղեցիներու հաւատացեալներուն` յայտարարած առաքելական ճամբորդութեան ընդհանուր համադրիչ
հայր Մարուան Թապէդ, Ռատիովատիկանի հետ ունեցած հարցազրոյցի մը ընթացքին: Ան նաեւ մատնանշած
է միջին արեւելքի քրիստոնեաներու <<աճող խանդավառութեան>> Սրբազան Քահանայապետի այցելութեան
նկատմամբ։