Ngjarje e veçantë dje për ekipin e Shqipërisë, që merr pjesë në Lojërat Olimpike të
Londrës, të cilat do të fillojnë të premten. Për sportistët - ceremonia e mirëseardhjes
në Fshatin Olimpik “Londër 2012”, në praninë e ambasadorit të Republikës, z. Mal Berisha,
të ambasadorit të Kosovës, z. Muhamet Hamiti, të përfaqësuesve të shoqatave shqiptare
në kryeqytetin anglez dhe të emigrantëve, që jetojnë e studiojnë në Londër. Teatri
Kombëtar i të Rinjve dha një shfaqje muzikore për t’u uruar mirëseardhjen sportistëve,
vlerësuar edhe nga kryetari i bashkisë së Fshatit Olimpik, sir Charles Allen. Ekipi
shqiptar udhëhiqet nga Viron Bezhani dhe do të marrë pjesë në shumë disiplina, si
not, qitje, peshëngritje, xhudo, atletikë etj..