Бэнэдыкт XVI: жыццё кансэкраваных свецкіх дапамагае Касцёлу рэалізавацца ў свеце
Бэнэдыкт XVI скіраваў
пасланне да ўдзельнікаў Міжнароднай канферэнцыі Інстытутаў кансэкраванага жыцця, якая
праходзіць у італьянскім Асізі на тэму “У слуханні Бога – на стронках гісторыі: свецкасць
прамаўляе да кансэкраванасці”. У пасланні за подпісам кардынала Дзяржсакратара Тарчызіо
Бертонэ Папа адзначыў, што “гэта тэма падкрэслівае ідэнтычнасць кансэкраваных асоб,
якія жывучы ў свеце ўнутранай свабодай і поўняй любові, што паходзіць з евангельскіх
запаведзяў, паказваюць сябе як мужчын і жанчын з глыбокім позіркам і добрым сведчаннем
у гісторыі”. Пантыфік падкрэсліў, што ідэнтычнасць кансэкраваных свецкіх вернікаў
мае важнае значэнне для місіі Касцёла, бо дапамагае яму рэалізавацца ў свеце. Паводле
Святога Айца, стыль жыцця кансэкраваных вернікаў робіць відавочным багацце, прыгажосць
і радыкальнасць евангельскіх запаветаў.