Papa : Ngushëllimi për viktimat e Denverit e të Zanzibarit, urimet për Olimpiadën
e Londrës.
Gjatë lutjes së Engjëllit të Tënzot, Papa shprehu keqardhjen e tij të thellë për masakrën
pa kuptim të Denverit si dhe për mbytjen e tragetit në Zanzibar. Më pas mendimi i
Atit të Shenjtë, nga selia verore e Kastel Gandolfos, shkoi tek Lojërat Olimpike të
Londrës, duke uruar të sjellin fryte paqeje e pajtimi në botë. Më pas kujtoi se “Djalli
mbjell luftë, Zoti krijon paqe”. “I was deeply
shocked by the senseless violence which took place in Aurora, Denver, and saddened
by the loss of life in the recent ferry disaster near Zanzibar”. Shprehu
tronditjen e tij të thellë Benedikti XVI për masakrën, fare pa kuptim, kryer në Aurora
të Denverit, e njëkohësisht edhe hidhërimin për humbjen e jetëve për shkak të mbytjes
së tragetit në Tanzani, pranë Zanzibarit, që shkaktoi, po e kujtojmë, vdekjen e 68
vetëve e humbjen e 77 të tjerëve I share the distress of the families and
friends of the victims and the injured, especially the children. Assuring all of you
of my closeness in prayer, I impart my blessing as a pledge of consolation and strength
in the risen Lord”. Si u shprehu afërsinë e tij familjarëve dhe miqve të
të vdekurve e të të plagosurve, posaçërisht fëmijëve, Papa i siguroi njerëzit, që
vuajnë, se lutet për ta e për shpirtin e të vdekurve, duke u dhënë edhe bekimin apostolik,
si peng ngushëllimi e force në Tënzonë. Mendimi i Benediktit XVI shkoi, pastaj,
në Londër ku, të premten e ardhshme, më 27 korrik, do të hapen Lojërat XXX Olimpike.
Pasi i përshëndeti organizatorët, atletët e sportdashësit, Papa uroi që, në frymën
e armëpushimit olimpik, vullneti i mirë, i cili lind nga kjo ngjarje, të japë frytet
e veta: fryte paqeje e pajtimi në mbarë botën, këto ditë me sytë ngulur pikërisht
në Londër, kryeqytet sportiv i mbarë njerëzimit: “Olimpiada është
ngjarja më e madhe sportive botërore, në të cilën marrin pjesë atletë të shumë kombeve
e, si e tillë, fiton edhe vlerë simbolike. Prandaj Kisha katolike e shikon me simpati
e vëmendje të veçantë. Lutemi që, sipas vullnetit të Zotit, Lojrat e Londrës të jenë
një përvojë e vërtetë vëllazërie ndërmjet popujve të tokës”.