“L’Osservatore Romano”: фільм пра вампіра ў Ватыканскай фільматэцы
Сённяшняя “L’Osservatore
Romano” звяртае увагу на тое, што ў Ватыканскай фільматэцы захоўваецца фільм нямецкага
рэжысёра Фрыдрыха Вільгельма Мурнаў пад назвай “Носферату. Сімфонія жаху” – адзін
з самых першых фільмаў жахаў, зняты паводле рамана Брэма Стокера “Дракула”, але са
змененымі імёнамі персанажаў і сюжэтам. Адзначаецца, што страх звычайнага чалавека
перад смерцю і невядомым заўсёды “уцелаўляўся” у фантастычных стварэннях, якімі напоўнены
старажытныя народныя легенды і якія затым “ажылі” на кінаэкранах. “Лавкрафт сцвярджаў,
што самым моцным і самым старажытным пачуццем чалавечай душы, з’яўляецца страх, а
самам вялікім страхам з’яўляецца страх перад невядомым”, - адзначае ватыканскае выданне.
Падкрэсліваецца, што гэта чалавечае пачуццё шырока выкарыстоўваецца ў кінаіндустрыі,
бо людзі гатовыя плаціць грошы за тое, каб быць спалоханымі.
Сярод многіх стварэнняў,
якія былі прадстаўлены публіцы, адным з самых прывабліваючых з’яўляецца вобраз вампіра,
які ўплываў на мастакоў у розныя эпохі. “L’Osservatore Romano” узгадала аб тым, што
на экраны кінатэатраў вампіры патрапілі ўжо пасля таго, як ім былі прысвечаны шматлікія
літарататурныя творы і тэатральныя прадстаўленні, што карысталіся вялікім поспехам.
Сярод іх узгадваецца раман “Вампір” Джона Палідоры, 1818 г., “Дракула” Брэма Стокера,
1897 г. У 1896 г. на экраны кінатэатраў выйшла кароткаметражная стужка Джорджа Мельеса
“Замак д’явала”, якая стала першым у гісторыі вопытам паказу фантастычным вобразаў.
Адзначаецца,
што сапраўднай кінаіконай, вобраз вампіра стаў дзякуючы нямецкаму рэжысёру Фрыдрыху
Вільгельму Мурнаў, які ў 1921 г. зняў фільм “Носферату. Сімфонія жаху”, копія якога
захоўваецца ў Ватыкане. “Шэдэўр нямецкага экспрэсіянізма, з невялікай колькасцю спецыяльных
эфектаў здолеў выклікаць страх нават тады, калі небыло бачна нічога”, - падкрэслівае
“L’Osservatore Romano”.