Сто гадоў, ад Крымскай
вайны (1853 г.) да смерці Сталіна (1953 г.) характарызуюцца хаатычным перасяленнем
цэлых народаў, у якое было уключана каля 30 млн. чалавек. Магчыма гаворка ідзе аб
самых вялікім прымусовым перамяшчэнні ў гісторыі, адзначае сённяшняя “L’Osservatore
Romano”. Гаворка ідзе аб вельмі добра і дакладна спланаваных аперацыях у царскай,
нямецкай, габсбургскай і атаманскай імперыях. Адзначаецца, што паміж Крымскай вайной
і балканскімі войнамі 1913 г. у цэнтральнай Еўропе былі перамешчаны каля 1,2 млн.
чалавек, а затым пасля заканчэння І Сусветнай вайны яшчэ 7,3 млн. чалавек. “У перыяд
паміж двума войнамі савецкі палітычны рэжым, быў адзіным, хто ажыцяўляў прымусовае
перасяленне, што прывяло да дэпартацыі 2,6 млн. чалавек”, - адзначае ватыканскае выданне,
са спасылкай на даследванне “Эпоха прымусовага перасялення. Зыходы і дэпартацыі ў
Еўропе 1853-1953 г”.
Падкрэсліваецца, што яшчэ большая колькасць прымушаных
да перасялення з’яўлявілася ў кароткі гістарычны перыяд ІІ Сусветнай вайны, калі ахвярамі
палітыкі перасялення, якую праводзілі нацыскі і савецкі рэжымы, а таксама некаторыя
іх саюзнікаў, сталі амаль 20 млн. чалавек, сярод якіх жанчыны, старыя і дзеці. Пры
гэтым не ўлічваецца колькасць людзей змешчаных у канцэнтрацыйныя лагеры ці пераселеныя
для працы ў сферы ваеннай індустрыі, але толькі тых, хто быў пераселены з прычыны
сваёй прыналежнасці на таго ці іншага народа, сацыяльнага класа, культуры, мовы ці
рэлігіі. “Сапраўднай дэмаграфічнай хірургіяй” называе “L’Osservatore Romano” гэты
гістарычны феномен.