У 1973 г. у ЗША былі
легалізаваны аборты, што можна лічыць наступствам кантрацэптыўнага менталітэту. Што
далей? Такім пытаннем задаецца амерыканскае каталіцкае інтэрнэт-выданне “Сatholic
online”. У артыкуле, прысвечаным прароцкаму значэнню энцыклікі Паўла VI “Humanae vitae”,
апублікаванай праз 3 гады пасля заканчэння ІІ Ватыканскага Сабору, адзначаецца, што
легалізацыя кантрацэпцыі ў 1930 г. сфарміравала разуменне сексуальнасці, як прыемнасці,
пазбаўленай пракрэатыўнай функцыі. Затым, у 1973 г., праз некалькі гадоў пасля публікацыі
энцыклікі Паўла VI, адбылася легалізацыя абортаў. Аб тых небяспеках, якія могуць прынесці
падобныя рашэнні папярэджваў Папа і сёння збыліся многія яго прадказанні. Пантыфік
звяртаў увагу на сур’ёзны маральны заняпад грамадстваў, прапаганду фальшывага паняцця
свабоды, выключанай з этычнага закону, дэвальвацыю інстытута сям’і, рост колькасці
разводаў, безадказнае выкарыстанне сексуальнасці.
Акрамя таго, адзначаецца
што сёння Амерыка зноў стаіць перад новымі выклікамі, звязанымі з рэформай у медыцынскай
сферы, а менавіта прымусам каталіцкіх медыцынскіх устаноў у ЗША выдаваць па-першым
патрабаванні абартыўныя сродкі, кантрацэптывы і праводзіць стэрылізацыю. “Мы павінны
задацца пытаннем – і што далей?”, - піша амерыканскае каталіцкае інтэрнэт-выданне.