Նախագահ Սերժ Սարգսան ընդունած՝ Արևելան Եկեղեցիներու Ժողովի Կառավարիչ Կարտինալ Լէօնարտօ
Սանտրին։
Նախագահ Սարգսեան ողջունած է հիւրը և գոհունակութամբ ընդգծած որ Հայաստանի և Վատիկանի,
ինչպէս նաև Մայր Աթոռ Սուրբ Էջմիածնի և Սուրբ Աթոռի միջև համագործակցութիւնը բարձր մակարդակի
վրայ է, որու կը նպաստեն նաև փոխ-այցելութիւնները ու քաղաքական գործոն երկխօսութիւնը։
Սերժ Սարգսեան խնդրած է Կարդինալ Սանտրիէն ՝ իր լաւագոյն բարեմաղթանքները փոխանցել
Նորին Սրբութիւն Բենեդիկտոս XVI-Սրբազան Քահանայապետին : Անցեալ տարեվերջին Սրբազան
Հօր հետ (Հռոմ) ունեցած իր ջերմ հանդիպումը, Հանրապետութեան նախագահի խոսքով, լաւ առիթ
էր քննարկելու համար Հայաստանի և Վատիկանի յարաբերութիւններու զարգացման օրակարգը ու
հեռանկարները: Երկկողմանի պատմական կապերը, հարուստ մշակութային և հոգևոր ժառանգութիւնը
Սերժ Սարգսեանի համոզմամբ, համագործակցութեան շարունակական խորացման լաւագոյն նախադրեալներն
են : Նախագահը նշած է, որ Հայաստանը և աւելի քան հազարամեայ քրիստոնէական աւանդոյթներ
ունեցող Հայ ժողովուրդը շատ բարձր կը գնահատեն Սուրբ Աթոռի դերը աշխարհի մէջ քրիստոնեութեան
տարածման և արմատաւորման, ինչպէս նաև խաղաղութեան, փոխըմբռնման հաստատման, մարդու իրաւունքներու
և հիմնարար ազատութիւններու պաշտպանութեան գծով:
Կարդինալ Լեոնարտօ Սանտրին
Բենեդիկտոս XVI-Սրբազան Քահանայապետի լաւագոյն բարեմաղթանքները փոխանցած է՝ Նախագահ
Սերժ Սարգսեանին, Հայաստանին ու Անոր Ժողովրդին: Արևելան Եկեղեցիներու Ժողովի Կառավարիչը
նշած է, որ Հայաստանը այն Երկիրն է, որը կը ձգտի աշխարհի բոլոր ժողովուրդներու հետ
փոխ-ըմբռնման ու խաղաղութեան, և իր այս այցի միջոցով կը փափաքի նաև յարգանք մատուցել
Հայաստանին, որը ունի այդպիսի ձգտում:
Կարտինալը ընդգծած է, որ Սուրբ Աթոռը
հիացած է առաջին քրիստոնէական Պետութեան՝ Հայաստանի պատմութեամբ, դարեր շարունակ քրիստոնէական
արմատներու ունեցած անոր հաւատարմութեամբ: