Бэнэдыкт ХVI скіраваў
спецыяльнае пасланне да ўдзельнікаў ХІІ кантынентальнай сустрэчы душпастырства афра-амерыканцаў,
якая праходзіць з 13 па 20 ліпеня ў эквадорскім горадзе Гуаякіль. Тэма форуму вельмі
шырокая: “Душпастыртсва афра-амерыканцаў у Карыбскім басейне ў святле Дакумента з
Апарэсіды. Праблемы і надзеі Касцёла і грамадства”. У мерапрыемстве прымае ўдзел больш
за 250 асоб, сярод якіх шматлікія біскупы і рэлігійныя дзеячы, а таксама вернікі з
большасці краін Лацінскай Амерыкі.
Святы Айцец звярнўуся перш за ўсё да біскупаў,
якія адказваюць у сваіх краінах за душпастырства сярод афра-амерыканскага насельніцтва,
паразважаць аб культурных каштоўнасцях, гісторыі і традыцыях афра-амерыканскіх народаў,
што можа дапамагчы Касцёлу прадстаўляць Хрыста як адказ на самыя глыбокія пытанні
чалавека. Пантыфік заклікаў удзельнікаў мерапрыемтсва, каб у сваёй душпастырскай дзейнасці
звярталі больш увагі на людзей, якія апынуліся на ўскраіне грамадства.
Першая
нарада такога роду адбылася ў калумбійскім горадзе Буэнавентура ў 1980 г. і была прысвечана
народнай пабожнасці і негрыцянскай культуры. З таго часу сустрэчы ладзяцца кожныя
3 гады.