Падарожжа Папы ў Ліван: згода, дыялог, мір і евангелізацыя
Праз некалькі месяцаў
адбудзецца чацвёртае падарожжа Бэнэдыкта XVI на Блізкі Усход – пасля візітаў у Турцыю,
Святую Зямлю і на Кіпр, Папа наведае Ліван. Асаблівую ўвагу да праблем гэтага рэгіёну
Бэнэдыкт XVI меў яшчэ калі займаў пасаду прэфекта Кангрэгацыі Веравучэння і таму,
у першыя дні пасля свайго абрання на пасад св. Пятра, паўтарыў заклік Яна Паўла ІІ
да Усходніх Цэркваў: “прыняць з абноўленым апостальскім запалам місію давераную ім
(...) спрыяць адзінству хрысціян, асабліва ўсходніх”. На заканчэнне Сінода Біскупаў
для Блізкага Усходу, 24 кастрычніка 2010 г, Пантыфік вылучаў 4 найбольш важныя пункты,
якія тычацца праблем Блізкага Усходу. Хутчэй за ўсё менавіта яны будуць у цэнтры паслання
Святога Айца падчас яго вераснёўскага падарожжа. Па-першае, Святы Айцец звяртаў увагу
на асаблівую ролю вызнаўцаў Хрыста ў рэгіёне, дзе пануюць канфлікты, помста, нянавісць
і насілле. Ён заклікаў хрысціян “стаць будаўнікамі супакою і апосталамі прымірэння
для дабра ўсяго грамадства”. Па-другое, Пантыфік звяртаў асаблівую увагу на неабходнасць
міру на Блізкім Усходзе, як неабходнай умовы для годнага жыцця чалавека і грамадства,
а таксама найлепшага сродку, каб спыніць эміграцыю. Па-трэццяе, Бэнэдыкт XVI падкрэсліваў
неабходнасць гарантавання свабоды веравызнання ў рэгіёне. І нарэшце, чацвёртым пунткам,
быў заклік да новай евангелізацыі – абвяшчэння Божага Слова тым, хто яшчэ не сустрэўся
з хрысціянскім пасланнем ці аддаліўся ад веры.
Улічваючы тое, што Бэнэдыкт
XVI прыбудзе ў Ліван, каб падпісаць паслясінадальную Апостальскую адгартацыю для Блізкага
Усходу, менавіта гэтыя тэмы могуць займаць цэнтральнае месца ў яго пасланні.