Në Nigeri masakër në fshatra të krishtera, 100 të vdekur
Shpërthen sërish dhuna në Shtetin nigerian të Plateau: njerëz të armatosur kanë sulmuar
të shtunën e të dielën e kaluar shumë fshatra e Kisha të krishtera në rrethinën e
qytet Jos. Terroristët islamikë kanë goditur pa mëshirë njerëz të pambrojtur, kanë
terrorizuar me dhunë, kanë depërtuar brenda nëpër shtëpi të tyre, duke shtie me armë
zjarri ndaj kujtdo që takonin apo që gjendej në afërsi e kështu kanë masakruar me
çdo mënyrë të krishterët. Të vdekurit janë së paku 100, brenda një Kishe janë gjetur
50 kufoma të djegura. Kryeipeshkvi i Jos-it, imzot Kaigama denoncon: “Autoritetet
nuk bëjnë asgjë për t’i mbrojtur fshatrat e njerëzve të pambrojtur, nuk ka kurrfarë
mbrojtje ushtarake e as siguri, asnjë lloj force të rendit”. “Është një ndeshje ndërmjet
bujqve e barinjve”. “Sipas vlerësimit tim nuk është luftë ndërfetare, por është fjala
për hakmarrje për çështje ekonomike e politike ndëretnike ndërmjet myslimanëve”. Gjatë
një funerali u vrarë edhe dy politikanë. Sulmet terroriste shpërthen në Shtetin Plateau,
udhëkryq ndërmjet jugut të krishterë e veriut myslimanë të Nigerisë. Autoritetet akuzojnë
për këto masakra barinjtë e fisit islamik Fulani.