Арцыбіскуп Тамазі: рэлігійная свабода толькі ў тэорыі
“У сучасным свеце
ўсё больш павялічваецца разрыў паміж рэлігійнай свабодай ў тэорыі і на прыктыцы”,
- сказаў арцыбіскуп Сільвано Тамазі, пастаянны назіральнік Апостальскай Сталіцы пры
ААН. У інтэрв’ю нашаму радыё іерарх распавёў, што Святы Пасад заўсёды выказвае сваё
занепакоенне па прычыне парушэння рэлігійнай свабоды ў свеце. Ён адзначыў, што ў многіх
краінах існуе гвалт у дачынені да рэлігійных супольнасцей. Арцыбіскуп Тамазі нагадаў
вельмі абуральныя выпадкі, якія здарыліся ў Нігерыі і ў Кеніі, дзе на веруючых, перш
за ўсё, хрысціян, якія збіраліся на малітве, кідалі бомбы, якія спрычынілі шмат смерцяў.
“Я
занепакоены ростам гвалту ў дачыненні да рэлігійных супольнасцяў, асабліва хрысціянскіх
рэлігійных меншасцяў. Я яшчэ раз сказаў на форуме ААН, што калі будзе паважацца свабода
слова, рэлігіі, самыя глыбокія перакананні людзей ў іх краінах, тады іншыя чалавечыя
правы будуць паважацца”, - сказаў пастанны назіральнік Апостальскай Сталіцы.
Дыпламат
дадаў, што існуе сувязь паміж павагай правоў чалаека і рэлігійнай свабодай ў прыватнасці,
якая дае магчымасць жыць ў згодзе і спрыяе прагрэсу краін, якія знаходзяцца на шляду
да развіцця. “Такім чынам здаровыя і творчыя сілы насельніцтва будуць выкарыстаны
для агульнага дабра краіны, а не скіраваныя да стварання канфліктаў ці нянавісці,
якія прыносяць толькі смерць і разбурэнне”, сказаў прадстаўнік Святога Пасада.
Арцыбіскуп
Тамазі таксама нагадаў, што і ў краінах Захаду, хаця не ажыццяўляецца фізічнае насілле
ў дачыненні да рэлігіі, але “ствараецца такі стыль жыцця і спосаб мыслення, якія пакідаюць
мала месца для рэлігійных перакананняў”.