Хрысціянскія лідэры Судана віншуюць краіну з першай гадавінай незалежнасці
9 ліпеня Паўднёвы
Судан адзначае першую гадавіну сваёй незалежнасці. З гэтай нагоды каталіцкія і англіканскія
іерархі краіны скіравалі спецыяльнае сумеснае пасланне. У ім іерархі нагадалі аб шматлікіх
поспехах дасягнутых маладой краінай ў многіх галінах, што дае “пачуццё вялікага гонару
і нацыянальнай ідэнтычнасці”. Аднак у той жа час, яны звярнулі ўвагу на адмоўныя
бакі, перш за ўсё на карупцыю і этнічныя канфлікты, а таксама на малую ролю прадстаўнікоў
хрысціянскіх канфесій ў распрацоўцы новай Канстытуцыі краіны. Акрамя таго ў пасланні
звяртаецца ўвага на дрэнныя адносіны паміж Суданам і Паўднёвым Суданам. “Мы заклікаем
нашых братоў і сясцёр не браць у рукі зброю, але працаваць разам на карысць дэмакратыі
ў абодвух краінах”, - напісалі іерархі.
Прадстаўнікі Касцёла і Англіканскай
Царквы адзначылі, што першая гадавіна незалежнасці Паўднёвага Судана з’яўляецца магчымасцю
для дзяржавы, Касцёла і народа краіны, каб спраўдзілася мара аб “двух дэмакратычных
і свабодных дзяржавах, у якіх людзі розных рэлігій, этнічных груп, культур і моваў,
будуць карыстацца тымі самымі чалавечымі правамі”.