Кс. Фэдэрыка Ламбардзі
нагадаў, што 9 ліпеня Бэнэдыкт XVI здзейніць кароткі візіт у дом айцоў-вербістаў у
Нэмі. У сваёй штотыднёвай рубрыцы на нашым радыё “Octava Dies” кіраўнік Залы Друку
Апостальскай Сталіцы падкрэсліў, што Папа прыбудзе не толькі, каб прывітаць настаяцеляў
і ўдзельнікаў капітулы вядомага місійнага манаскага інстытута, але таксама таму, што
ў гэтым месцы ў 1965 г. ён – малады тэолаг, эксперт на ІІ Ватыканскім Саборы – прымаў
удзел у сустрэчах, падчас якіх, распрацоўваліся дакументы Сабора – “у жывой атмасферы
вывучэння, дыскусій і малітвы, якая суправаджалала і рыхтавала пасяджэнні Айцоў у
базыліцы св. Пятра”.
“На днях, у адным цудоўным інтэрв’ю, кардынал Туччы узгадваў
аб аналагічнай працы ў Арычча, дзе рыхтавалася канстытуцыя “Gaudium et spes” аб Касцёле
ў сучасным свеце, пры актыўным удзеле маладога біскупа Вайтылы. Яго выступленне паўплывала
на фармуліроўку знакамітай фразы: “Таямніца чалавека па-сапраўднаму высвятляецца толькі
ў таямніцы ўцелаўлёнага Слова”, якая, не выпадкова, стала найбольш часта цытаванай
Янам Паўлам ІІ”, - адзначыў езуіт.
Кс. Ламбардзі адзначыў, што сёння засталося
ў жывых каля 30 удзельнікаў Сабора, сярод Айцоў і экспертаў. “Іх сведчанні выклікаюць
эмоцыі ў тых, хто як і мы – няхай незадзейнічаных непасрэдна, аднак добра памятае
час незвычайнай стараннасці, энтузіазма і надзеі”, - сказаў езуіт. “Пажадаем, каб
50-годдзе, якое мы рыхтуемся адзначаць у кастрычніку стала нагодай для таго, каб зноў
злучыцца з той атмасферай слухання Духа, так, каб таксама і сучаснае перачытанне тэкстаў
адбывалася ў адпаведнасці з лініяй “гэрменэўтыкі рэформы, працяглага абнаўлення адзінага
суб’екта-Касцёла, які Пан нам падарыў, які расце ў часе і развіваецца, застаючыся
аднак, заўсёды самім сабой, адзіным суб’екат пілігрымуючага Народа Божага”, - адзаначыў
дырэктар Ватыканскага радыё. “Так мудра нас заклікае Ёзэф Ратцынгер, прывілеяваны
сведка і больш чым аўтарытэтны, тады саборавы эксперт, а сёння Папа”, - падсумаваў
кс. Ламбардзі.