5 ജൂണ് 2012, ന്യൂയോര്ക്ക് വധശിക്ഷ നിര്ത്തലാക്കണമെന്ന് ലോക രാഷ്ട്രങ്ങളോട് ബാന്
കി മൂണ് അഭ്യര്ത്ഥിച്ചു. ജൂണ് 3-ാം തിയതി ന്യൂയോര്ക്കില് ചേര്ന്ന മനുഷ്യാവകാശ കമ്മിഷന്റെ
യോഗത്തിലാണ്, ഐക്യ രാഷ്ട്ര സംഘടനയുടെ ജനറല് സെക്രട്ടറി, ഈ അഭ്യര്ത്ഥന നടത്തിയത്.
ജീവിക്കാനുള്ള അവകാശം അടിസ്ഥാന മനുഷ്യാവകാശ നിയമത്തിന്റെ കാതലാണെന്നും, എന്നാല് വധശിക്ഷ
ഒരിക്കലും തിരുത്താനാവാത്തവിധം മനുഷ്യജീവനെ ഇല്ലായ്മചെയ്യുന്ന പ്രാകൃത പ്രവൃത്തിയാണെന്ന്
മൂണ് സമ്മേളനത്തില് പ്രസ്താവിച്ചു. 2007-ലെ യുഎന് അഭ്യര്ത്ഥന മാനിച്ചുകൊണ്ട്
അര്ജെന്റീന, ബരൂണ്ടി, ഗാബോണ്, ടോഗോ, ഉബേക്കിസ്ഥാന് തുടങ്ങി 150 രാഷ്ട്രങ്ങള് വധശിക്ഷ
നിര്ത്തലാക്കിയെങ്കിലും ധാരാളം രാഷ്ട്രങ്ങള് ഇനിയും അതു തുടരുന്നുണ്ടെന്നും മൂണ് ചൂണ്ടിക്കാട്ടി.
മയക്കു മരുന്നിന്റെ ഉപയോഗത്തിലോ കച്ചവടത്തിലോ പിടിക്കപ്പെടുന്ന 18-വയസ്സു തികഞ്ഞ
യുവാക്കളെ വധശിഷയ്ക്ക് വിധിക്കുന്ന പതിവ് ചില രാഷ്ട്രങ്ങള് തുടരുന്നത് അപലപനീയമാണെന്നും
മൂണ് സമ്മേളനത്തില് പ്രസ്താവിച്ചു.