Святы Пасад робіць крокі да большай празрыстасці сваіх фінансаў
4 ліпеня ўдзельнікамі
пленарнай асамблеі “Moneyval” – камітэта экспертаў Савета Еўропы па ацэнцы мераў барацьбы
з адмываннем грошай краін-членаў арганізацыі, была зацверджана справаздача па выніках
праверкі ва ўстановах Святога Пасаду і Дзяржавы Ватыкан.У спецыяльным паведамленні
Апостальскай Сталіцы адзначаецца, што, як прадугледжана працэдурамі “Moneyval”, канчатковая
версія справаздачы, разам з вынікамі учарашняй сустрэчы, будзе накіравана Святому
Пасаду для адпаведнай праверкі і каментарыяў. Дакумент таксама будзе апублікавана
на сайце “Moneyval”. Дэлегацыя Апостальскай Сталіцы прымае ўдзел у пленарным пасяджэнні
камітэта, якое праходзіць зараз у Страсбургу. Святы Пасад на ім прадстаўляе група
спецыялістаў на чале з кс. прэлатам Этторэ Балестэро, падсакратаром па адносінах з
дзяржавамі.
Супрацоўніцтва паміж Святым Пасадам і “Moneyval” абумоўлена імкненнем
Апостальскай Сталіцы адаптаваць уласнае заканадаўства ў галіне барацьбы з адмываннем
грошай і фінансаваннем тэрарызму да міжнародных стандартаў. У рамках супрацоўніцтва
на працягу 2011-2012 г. прашлі некалькі двухбаковых сустрэч паміж экспертамі “Moneyval”
і супрацоўнікамі Дзяржсакратарыята, Губернатарата Дзяржавы Ватыкан і ватыканскай Жандармерыі.
Падчас іх прадстаўнікі “Moneyval” высока ацанілі прадпрынятыя Апостальская Сталіцай
крокі ў накірунку набліжэння фінансавага заканадаўства да міжнародных стандартаў.