ആഗോള യുവജനസംഗമവേദി ലോക പൈതൃക പട്ടികയില്‍
03 ജൂലൈ 2012, സെന്റ്പീറ്റേഴ്സ് ബര്‍ഗ്
14ാം അന്തര്‍ദേശീയ യുവജന സംഗമത്തിനു വേദിയാകുന്ന ബ്രസീലിയന്‍ നഗരം, റിയോ ഡി ജനീറോ, ലോകപൈതൃക പട്ടികയില്‍ ഇടംനേടി. റഷ്യയിലെ സെന്റ്പീറ്റേഴ്സ് ബര്‍ഗില്‍ ചേര്‍ന്ന ലോകപൈതൃകസമിതി യോഗമാണ് ഈ നഗരത്തെ ലോകപൈതൃക പട്ടികയില്‍ ഉള്‍പ്പെടുത്തിയത്. 14ാം അന്തര്‍ദേശീയ യുവജനസംഗമം 2013 ജൂലൈ 23 മുതല്‍ 28വരെ റിയോ ഡി ജനീറോയില്‍ നടക്കും. 2014-ലെ ലോകകപ്പ് ഫുട്‌ബോളും 2016-ലെ ഒളിമ്പിക്‌സും അരങ്ങേറുന്നതും ചരിത്രപ്രസിദ്ധമായ ഈ നഗരത്തിലാണ്.
ബെത്‌ലഹേമിലെ തിരുപ്പിറവി ദേവാലയം, ഇന്ത്യയിലെ പശ്ചിമഘട്ട മലനിരകള്‍, ജര്‍മനിയിലെ ചരിത്ര പ്രസിദ്ധമായ ഓപറ ഹൗസ്, പോര്‍ച്ചുഗലിലെ പൗരാണികനഗരം, മംഗോളിയയിലെ സാനഡു, ഛാഡില്‍ സ്ഥിതിചെയ്യുന്ന പരസ്പരബന്ധിതമായ തടാകങ്ങള്‍ എന്നിവയും ലോകപൈതൃക പദവിക്ക് അര്‍ഹത നേടി.
| All the contents on this site are copyrighted ©. |