Амерыканскі “Gatestone
Institute” апублікаваў свой штомесячны даклад аб пераследзе хрысціян з боку мусульман
у маі 2012 г. Тэкст даследавання апісвае выпадкі дыскрымінацыі і антыхрысціянскага
насілля ў 20 краінах свету. Асабліва жорсткія выпадкі гвалту над хрысціянамі адзначаны
ў краінах Афрыкі на поўдзень ад Сахары – у Нігерыі, Кеніі, Самалі, Судане і Кот-д’Івуары,
дзе хрысціян забіваюць, абезгалоўліваюць і нават укрыжоўваюць.
У маі ўзмацнілася
дыскрымінацыя хрысціян у Інданэзіі. Там нападаюць на вернікаў і зачыняюць хрысціянскія
храмы. Абуральны выпадак адбыўся ў Францыі. У касцёл св. Юзэфа ўварваліся чацвёра
маладых афрыканцаў і закідалі вернікаў камянямі. У дакладзе адзначаецца, што ў Пакістане
ў сярэднім 8-10 хрысціян у месяц прымушаюць прымаць іслам. Ахвярамі часта становяцца
дзяўчыны-хрысціянкі з бедных сем’яў. Паводле інфармацыі “Gatestone Institute”, у Эрытрэі
ў турэмным зняволенні зараз знаходзяцца ад 2 да 3 тыс. хрысціян.
У дваццатку
найбольш небяспечных для хрысціян мусульманскіх краін таксама ўвайшлі Сірыя, Малі,
Судан, Іарданія, Іран, Ліван.