Бэнэдыкт XVI прызначыў новага прэфекта Кангрэгацыі Веравучэння
Святы Айцец Бэнэдыкт
XVI прыняў адстаўку па прычыне сталага ўзросту кардынала Уільяма Левады з пасады
прэфекта Кангрэгацыі Веравучэння, кіраўніка Камісіі “Ecclesia Dei”, Папскай біблійнай
камісіі і Міжнароднай тэалагічнай камісіі. Яго наступнікам на ўсіх вышэйузгаданых
пасадах Пантыфік прызначыў Біскупа Рэгенсбурга Герхарда Людвіга Мюлера, надаючы яму
тытул арцыбіскупа. Герхард Людвіг Мюлер нарадзіўся ў 1947 г. у Германіі. У 1977 г.
абараніў дактарат па дагматычнай тэалогіі, а праз год прыняў сакрамэнт святарства.
З 1986 г. быў выкладчыкам дагматыкі ва Універсітэце Людвіка Максімільяна ў Мюнхене.
З 1990 г. быў членам Камісіі па Справах Веры Канферэнцыі Біскупаў Германіі. Выкладаў
дагматычную тэалогію ў сусветна вядомых універсітэтах Перу, Іспаніі, ЗША, Індыі, Італіі.
Апублікаваў каля 400 прац па дагматычнай тэалогіі, экуменізме, эклезіялогіі, герменэўтыцы
– найбольш вядомая з якіх, “Каталіцкая дагматыка для вывучэння і практыкавання тэалогіі”,
якая мела 7 выданняў на нямецкай і перакладалася на іншыя еўрапейскія мовы. У 2002
г. Яна Павел ІІ прызначыў яго Біскупам Рэгенсбурга, дзе ў 2008 г. заснаваў дыяцэзіяльны
Інстытут Бэнэдыкта XVI для вывучэння спадчыны Пантыфіка. Плёнам яго працы сталі 16
тамоў сачыненняў Ёзэфа Ратцынгера-папы Бэнэдыкта XVI.