Papa emëron imzot Gerhard Ludwig Muller prefekt të ri të Kongregatës për Doktrinën
e Fesë.
Papa Benedikti XVI emëroi imzot Gerhard Ludwog Muller, deri më tani ipeshkëv i Regensburgut,
prefekt të ri të Kongregatës së Vatikanit për Doktrinën e Fesë si dhe president të
Komisionit Papnor “Ecclesia Dei”, të Komisionit Papnor Biblik e të Komisionit Teologjik
Ndërkombëtar. Prelati Gjerman, që njëkohësisht me këtë emërim u lartua në dinjitetin
e kryeipeshkvit, në detyrat e përmendura zëvendëson kardinalin amerikan William Joseph
Levada, i cili le detyrën për arsye të moshës. Imzot Muller ka lindur para 64 vjetësh
në Meinz të Gjermaninë. Shugurohet meshtar 30 vjeç e ipeshkëv 52 vjeç, për 16 vjet
ka qenë profesor i rregullt i teologjisë Dogmatike pranë Universitetit Ludwig-Maximilian
të Munihut të Bavarisë. Si ipeshkëv i dioqezës gjermane të Regensburgut e anëtar i
Konferencës ipeshkvnore gjermane është marrë posaçërisht me ungjillëzimin e ri dhe
ekumenizmin, duke promovuar apostullatin e besimtarëve laikë e projektet humanitare
për Vende të varfra të botës. Motoja e tij ipeshkvnore është “Dominus Jesus”, do të
thotë “Jezusi është Zotëri”, marr nga Letra e Shën Palit drejtuar Romakëve.