Кс. Ламбардзі аб тэрактах у Кеніі: баязлівае насілле супраць сабраных на малітве
“Крывавыя напады на
хрысціянскія цэрквы, адной з якіх з’яўляецца каталіцкая катэдра, падчас нядзельнай
малітвы – гэта жахлівыя і хвалюючыя факты”, - так пракаментаваў кс. Фэдэрыка Ламбардзі,
кіраўнік Залы Друку Апостальскай Сталіцы, тэракты якія адбыліся 1 ліпеня ў кенійскім
горадзе Гарыса. У выніку нападу тэрарыстаў загінулі па меньшай меры 16 вернікаў і
дзесяткі атрымалі раненні. Кс. Ламбардзі выказаў меркаванне, што тэрарысты палічылі
асабліва эфектыўным метадам для распаўсюджвання нянавісці і страху напады на хрысціян,
якія збіраюцца ў сваіх святынях. “Баязлівае насілле ў адносінах да беззбройных людзей,
мірна сабраных для малітвы не мае назвы”, - падкрэсліў езуіт. Ён заклікаў, акрамя
дапамогі ахвярам тэрактаў, усё больш бараніць права на свабоду веравызнання хрысціян
і супрацьстаяць безадказным актам якія ўмацоўваюць нянавісць паміж прадстаўнікамі
розных рэлігій, а таксама эфектыўна дзейнічаць каб знайсці стабільнае рашэнне драматычных
праблем у Самалі, якія закранаюць увесь рэгіён.
Раніцай 1 ліпеня ў Гарысе на
паўночным усходзе Кеніі, група тэрарыстаў напала на две святыні – каталіцкі катэдральны
касцёл і пратэстанскую царкву, поўныя людзей сабраных для ўдзелу ў нядзельнай літургіі.
Найвышэшая рада мусульман Кеніі выказала спачуванне загінуўшым і асудзіла насілле.