Бэнэдыкт XVI перад “Анёл Панскі” аб урачыстасці святых апосталаў Пятра і Паўла (поўны
тэкст)
29 чэрвеня, з нагоды
ўрачыстасці святых апосталаў Пятра і Паўла, Бэнэдыкт XVI памаліўся разам з вернікамі
сабранымі на плошчы св. Пятра ў Рыме малітвай “Анёл Панскі”. Звяртаючыся да прысутных
Святы Айцец падкрэсліў, што “Св. Пётр і св. Павел ззяюць не толькі ў небе Рыма, але
таксама ў сэрцах усіх вернікаў, якія асвечаныя іх навучаннемі і прыкладам і ў кожнай
частцы свету ідуць па шляху веры, надзеі і любові”. “Дарагія браты і сёстры, - сказаў
Папа, - Мы з радасцю святкуем урачыстасць святых апосталаў Пятра і Паўла – свята,
якое спадарожнічае двухтысячагадовай гісторыі хрысціянскага народа. Іх называюць слупамі
Касцёла, які нараджаўся. Выдатныя сведкі веры, яны пашырылі Валадарства Божае з дапамогай
сваіх дароў і па-прыкладзе свайго Боскага Настаўніка, крывёй умацавалі прапаведванне
Евангелля. Іх мучаніцтва з’яўляецца знакам адзінства Касцёла, як казаў св. Аўгустын:
“Толькі адзін дзень прысвечаны святу двух апосталаў. Але яны былі адно. Нягледзячы
на тое, што загінулі мучаніцкай смерцю ў розныя дні, але былі адно. Пётр пачаў, Павел
працягнуў” (Disc. 295, 8: PL 38, 1352).
Знакам ахвяры св. Пятра з’яўляецца
гэта Ватыканская базыліка і плошча, так важныя для хрысціянства. Таксама і мучаніцтва
св. Паўла пакінула значныя сляды ў нашым горадзе, асабліва ў базыліцы яму прысвечанай
на вуліцы Асціенса. Рым носіць, запісаныя ў сваю гісторыю, знакі жыцця і хвалебнай
смерці пакорнага рыбака з Галілеі і Апостала народаў, справядліва абраных яго заступнікамі.
Узгадваючы аб іх яркім сведчанні, мы памятаем пачатак Касцёла, які ў Рыме верыў, маліўся
і абвяшчаў Хрыста Адкупіцеля. Але св. Пётр і св. Павел ззяюць не толькі ў небе Рыма,
але таксама ў сэрцах усіх вернікаў, якія асвечаныя іх навучаннемі і прыкладам і ў
кожнай частцы свету ідуць па шляху веры, надзеі і любові На гэтым шляху збаўлення,
хрысціянская супольнасць, падтрыманая прысутнасцю Духа Бога жывога, адчувае сябе ўмацаванай
для таго, каб працягваць моцна і спакойна ісці па дарозе вернасці Хрысту і абвяшэння
Яго Евангелля людзям нашага часу. У гэтае моцнае духоўнае і місіянерскае падарожжа
уключаецца таксама ўручэнне паліяў арцыбіскупам-мітрапалітам, якое я здзейсніў сёння
раніцай у базыліцы. Гэты, заўсёды красамоўны абрад, які ўзвышае блізкае адзінства
Пастыраў з Наступнікам св. Пятра і глыбокую лучнасць, якая нас яднае з апостальскай
традыцыяй. Гаворка ідзе аб падвойным скарбе святасці, на якім грунтуюцца разам – адзінства
і каталіцкасць Касцёла: каштоўны скарб, які неабходна адкрыць і жыць ім з абноўленным
энтузіязмам і пастаянным запалам.
Дарагія пілігрымы, якія прыбылі сюды з розных
частак свету! У гэты святочны дзень, памолімся выразам усходняй літургіі: “Няхай будзе
хвала Пятру і Паўлу, гэтым двум промням Царквы; няхай яны ззяюць і умацоўваюць у веры”.
У гэтай астмасферы, я хачу звярнуць асаблівыя думкі да дэлегацыі Канстантынопальскага
Патрыярхата, якая, які і кожны год, прыбыла, каб прыняць удзел у гэтых нашых традцыйных
святкаваннях. Святая Панна няхай вядзе усіх веруючых у Хрыста да мэты поўнага адзінства”.