Паўстаў фонд для барацьбы з прымусовымі абортамі і стэрылізацыяй у Кітаі
Міжнародная група
па абароне правоў чалавека абвясціла аб стварэнні новага фонду для дапамогі ў барацьбе
з прымусовым абортамі ў Кітаі, якія выкарыстоўваюцца для забеспячэння выканання палітыкі
аднаго дзіцяці ў краіне. Боб Фу, прэзідэнт “China Aid Association”, паведаміў, што
фонд, заснаваны гэтай некамерцыйнай арганізацыяй дапаможа наняць адвакатаў для абароны
сем’яў , якіх прымушаюць здзейсніць аборт, а таксама заплаціць штраф, каб пазбегнуць
прымусовага аборту. Сродкі будуць выкарыстаны таксама на інфармацыйную кампанію супраць
прымусовых абортаў і стэрылізацыі ў краіне. Фу перакананы, што “у перспектыве гэта
зло павінна спыніць сваё існаванне, калі кітайскі народ устане і пачне патрабаваць
гэтага”.
Ён звярнуў увагу на нядаўні трагічны выпадак з Фэн Дзянмэй,
кітаянкай на сёмым месяцы цяжарнасці, якая была дастаўлена ў бальніцу, дзе ёй насільна
зробілі аборт, толькі таму, што яна і яе муж не былі ў стане выплаціць дзяржаве штрафу,
накладзенага за нараджэнне другога дзіцяці.
На думку Боба Фу, “міжнародная
супольнасць таксама павінна патрабаваць ад кітайскага ўрада, пакласці канец практыцы,
якая робіць сучасны Кітай варварскай дзяржавай”.