Kardinali Tauran: diplomati le t’i shërben së vërtetës
“Një diplomat që gënjen, rrallëherë ia arrin qëllimit”. Kështu pohoi kardinalin Jean-Louis
Tauran, president i Këshillit Papnor për Dialogun Ndërfetar, gjatë takimit të organizuar
nga ‘Oborri i jo besimtarëve’ pranë Ambasadës së Italisë pranë Selisë së Shenjtë.
Sipas kardinalit, vetëm e vërteta shërben për kauzën e Paqes, ndihmon në zbutjen e
mosmarrëveshjeve të njerëzve, e në mjekimin e plagëve të popujve të trajtuar padrejtësisht.
“ Do të duhej të ishte përherë i qartë fakti – vijoi kardinali Tauran – që diplomacia
është në shërbim të realizimit të njeriut, e të harmonisë së shoqërisë. Duke iu përmbajtur
së vërtetës në vetvete e përreth vetes, diplomati do të priret natyrshëm drejt takimit,
dialogut, e vëllazërimit. Natyrisht që, për atë që është i krishterë, e vërteta merr
një domethënie e një rëndësi krejt tjetër, pasi që e Vërteta për ne është bërë njeri,
e Jezusi na ka dëftuar të vërtetën e plotë mbi njeriun”.