35 гадоў таму Павел VI уручыў арцыбіскупу Ратцынгеру кардынальскі бірэт
35 гадоў таму, 27
чэрвеня 1977 г., папа Павел VI залічыў арцыбіскупа Мюнхенска-Фрайзінгскага Ёзэфа Ратцынгера,
сённяшняга папу Бэнэдыкта XVI, да Калегіі Кардыналаў. У сваёй прамове падчас публічнай
кансісторыі Павел VI звярнуўся непасрэдна да кардынала Ратцынгера: “Мы пацвярджаем
вернасць кардынала Ратцынгера. Яго высокі ўзровень навучання тэалогіі ў прэстыжных
універсітэтах роднай Германіі, а таксама шматлікія і важныя публікацыі паказалі, што
тэалагічныя даследаванні не могуць і не павінны ніколі стаяць асобна ад глыбокага,
свабоднага і творчага прыняцця навучання Касцёла , якое дакладным чынам тлумачыць
і абвяшчае Божае Слова”.