У Ватыканскай фільматэцы
знойдзена ўнікальная стужка з кадрамі св. Імшы, якую ў вігілію Божага Нараджэння,
24 снежня 1968 г., адправіў Павел VI. Цікава, што набажэнства адбылося не ў базыліцы
св. Пятра, але на заводзе ў італьянскім горадзе Таранта. “Упершыню ў гісторыі Пантыфік
прыйшоў на завод, каб абвясціць аб нараджэнні Збаўцы свету”, - адзначае сённяшняя
“L’Osservatore Romano”. Папа жадаў зменшыць дыстанцыю, якая ў той час існавала паміж
Касцёлам і светам працы.
Ватыканская газета нагадвае, што 60-я гады мінулага
стагоддзя, былі ў Італіі вельмі неспакойнымі. Яны адзначаліся пратэстамі студэнтаў.
Таксама і рабочыя жадалі павышэння заработнай платы, змяншэння колькасці працоўных
гадзін, новых форм кантрактаў і прызнання асноўных правоў. Рабочыя зразумелі, што
жывуць у краіне, дзе кожны сектар эканомікі жадае павагі да чалавечай годнасці і сваіх
правоў. На гэтым гістрычыным фоне візіт Паўла VI ў Таранта меў асаблівае значэнне.
“L’Osservatore Romano” нагадвае, што Папа прыбыў да рабочых, каб прадэманстарваць
сваю ўдзячнасць за іх працу. Падчас гаміліі Пантыфік заклікаў кожнага прыняць сваю
місію і актыўна жыць сваім пакліканнем, працуючы для найвышэйшага дабра. Візіт Паўла
VI у Таранта паказаў, што Святы Пасад жадаў наблізіцца да рабочых, асабліва ў ноч
Божага Нараджэння.
“Кадры знойдзенай стужкі перадаюць эмоцыі гэтай сустрэчы”,
- падкрэлівае ватыканскае выданне, і дазваляюць заставіць у памяці прысутнасць і блізкасць
Папы да рабочых, а таксама яго словы: “Мы прыйшлі да вас, каб наша прысутнасць дала
вам суцяшэнне і збаўленне Хрыста сярод цудоўнага, але пазбаўленага веры і ласкі, а
таксама працы, свету”.