Бэнэдыкт ХVI зрабіў прызначэнні на ключавыя пасады ў Рымскай курыі
26 чэрвеня Святы Айцец
зрабіў некалькі ключавых прызначэнняў у Рымскай курыі. Пантыфік прыняў адстаўку, па
прычыне ўзросту, кардынала Эніа Антанэлі з паста старшыні Папскай рады па справах
сям’і. Яго наступнікам Святы Айцец прызначыў біскупа Вінчэнца Палія, надаючы яму годнасць
арцыбіскупа. Архіварыўсам і Бібліятэкарам Святога Рымскага Касцёла Папа прызначыў
былога сакратара Кангрэгацыі Каталіцкай Адукацыі Жан-Луі Бруге, ён заменіць пайшоўшага
ў адстаўку на днях кардынала Рафаэле Фарына.
Бэнэдыкт ХVI прыняў адстаўку,
па прычыне ўзросту, з пасады рэгента Апостальскай Пенітэнцыярыі біскупа Джанфранка
Джыроці і прызначыў яго наступнікам кс. прэлата Кшыштафа Юзэфа Ныкеля, які да гэтага
часу з’яўляўся афіцыялам Кангрэгацыі Веравучэння.
Бэнэдыкт ХVI прызначыў віцэ-старшынёй
Папскай камісіі “Ecclesia Dei” арцыбіскупа Джозэфа Аўгусціна Дзі Ноя. Да гэтага часу
іерарх займаў пасаду сакратара Кангрэгацыі Божага Культу і Дысцыпліны Сакрамэнтаў,
яго, у сваю чаргу, заменіць на ёй біскуп Артур Рошэ, да гэтага часу Біскуп Лідса ў
Англіі. Папа надаў апошняму тытул арцыбіскупа.
Папа прыняў адстаўку, па прычыне
ўзросту, з паста дапаможнага сакратара Кангрэгацыі Евангелізацыі Народаў і старшыні
Папскіх місійных таварыстваў арцыбіскупа Пьерджузэпэ Вакэлі і прызначыў яго наступнікам
біскупа Пратасэ Ругамбва з Танзаніі, надаўшы яму тутул арцыбіскупа.