Кс. Ламбардзі: крызіс у Рымскай Курыі – гэта не рэферэндум над кардыналам Бэртонэ
Кс. Фэдэрыка Ламабардзі
ў інтэрв’ю італьянскаму агенцтву “ANSA” паведаміў, што некаторыя італьянскія СМІ аднабакова
і памылкова інфармуюць аб сустрэчы Бэнэдыкта ХVI з некаторымі кардыналамі, што адбылася
ў суботу 23 чэрвеня, падчас якой нібыта павінна была абмяркоўвацца адстаўка кардынала
Дзяржсакратара Тарчызіо Бэртонэ, і на якой ён не прысутнічаў. Кіраўнік Залы Друку
Апостальскай Сталіцы лічыць, што няма сэнсу чытаць артыкулаў, у якіх неаб’ектыўна
апісваецца сітуацыя вакол асобы кардынала Дзяржсакратара, бо апошні прымаў удзел у
той жа дзень у папярэдняй сустрэчы з кіраўнікамі ватыканскіх дыкастэрый. Прадстаўнік
Святога Пасаду падкрэсліў, што кардынал Бэртонэ грае цэнтральную ролю ў Рымскай Курыі
і яго прысутнасць ці адсутнасць на сустрэчах з Пантыфікам не павінна разглядацца як
знак падтрымкі ці яе адсутнасці з боку Папы.
“Адстаўка кардынала Бэртонэ і
абвяшчэнне прозвішчаў патэнцыяльных кандыдатаў на яго пасаду, зразумела, не былі тэмай
сустрэчы Папы з кіраўнікамі дыкастэрый Рымскай Курыі”, - паінфармаваў кс. Ламбардзі.
Ён адзначыў, што Святы Айцец асабіста з увагай сочыць за падзеямі вакол крадзяжу дакументаў
і таму хацеў падзяліцца сваімі думкамі з кардыналамі і пачуць іх парады, маючы на
ўвазе іх вялікі вопыт. “Праблема з так званым “Vatileaks” з’яўляецца больш шырокай
і тычыцца наогул Рымскай Курыі і адносін паміж Ватыканкам і мясцовымі Касцёламі”,
- сказаў кс. Ламбардзі. Італьянскі езуіт падкрэсліў, што гэта не азначае, што Бэнэдыкт
ХVI не задумваецца аб зменах у Дзяржсакратарыяце. “Аднак мы не павінны забываецца
аб тым, што яшчэ ў маі 2012 г., калі першы раз публічна гаварылася аб уцечцы канфідэнцыйных
дакументаў, Бэнэдыкт ХVI пацвердзіў свой давер да найбліжэйшых супарцоўнікаў, у першую
чаргу – кардынала Бэртонэ”, - нагадаў кс. Ламбардзі.