Në Shqipëri, emërohet ministri i ekonomisë, ai i brendshëm dhe ai i shëndetësisë
Ish-ministri i jashtëm, Edmond Haxhinasto bëhet ministër i ekonomisë; Flamur Noka
i Partisë Demokratike bëhet ministër i brendshëm; Edmond Panariti, zv.kryebashkiaku
i Tiranës, zëvendëson Haxhinaston në postin e ministrit të jashtëm; ndërsa gjinekologu
Vangjel Tavo emërohet ministër i shëndetësisë. Këto janë ndryshimet në qeveri, pas
zgjedhjes së ish-ministrit të brendshëm, Bujar Nishani, në postin e Presidentit të
Republikës së Shqipërisë. Lëvizja Socialiste për Integrim, e kryesuar nga Ilir Meta,
pati zë të rëndësishëm në këtë kapitull, pasi është ajo, që i siguron Berishës votat
e nevojshmë për qeverisje. Roli më delikat është pa dyshim ai i Haxhinastos, në
një periudhë, kur Shqipëria pret prononcimin e Brukselit në tetor, mbi statusin e
kandidatit për integrimin në Bashkimin Evropian. Atij do t’i duhet të mbikqyrë shitjen
e krejt kompanisë shtetërore Albpetrol dhe të konçesioneve për hidrocentralet. Atij
do t’i duhet të përballojë pakënaqësinë e kompanive të huaja të minierave për ligjin
e ri, që e ka çuar të paktën njërën prej firmave, “Canada’s Empire Mining”, të mbyllë
veprimtarinë dhe të hedhë në gjyq Ministrinë e Ekonomisë. Ndërkaq, pas jo më shumë
se një viti, do të mbahen zgjedhjet e reja të përgjithshme.