Святы Пасад і Чарнагорыя ратыфікавалі базавае пагадненне
21 чэрвеня кардынал
Дзяржсакратар Тарчызіо Бэртонэ і прэзідэнт Чарнагорыі Філіп Вуянавіч абмяняліся ратафікацыйнымі
дакументамі двухбаковага базавага пагаднення. Яно было падпісана ў Ватыкане яшчэ 24
чэрвеня 2011 г. Дакумент вызначае рамкі дзейнасці Каталіцкага Касцёла ў Чарнагорыі
і яго адносіны з дзяржавай. У цырымоніі прынялі ўдзел іерархі Каталіцкага Касцёла
і прадстаўнікі ўладаў балканскай дзяржавы.
“Сёння вельмі знамянальны дзень
для адносін паміж Святым Пасадам і Чарнагорыяй, таму што гэтым урачыстым актам завершаецца
перамоўны працэс, распачаты два гады таму, па заключэнні базавых пагадненняў, які
замацоўвае выдатныя адносіны паміж двума краінамі”, - сказаў кардынал Бэртонэ падчас
цырымоніі і падкрэсліў, што рэлігійная свабода кожнага грамадзяніна і супольнасці
ў законных рамках, належыць да асноўных патрабаванняў сённяшняй заходняй культуры
і неабходнай умовай для аховы правоў чалавека ў любым кутку планеты.
Дзяржсакратар
адзначыў, што абмен ратыфікацыйнымі дакументамі ляжыць у інтарэсах не толькі Апостальскай
Сталіцы, але і Чарнагорыі. Гэта “будзе спрыяць не толькі станоўчаму іміджу Чарнагорыі
на міжнароднай арэне, але таксама садзейнічаць у пераадоленне праблем, атрыманых у
спадчыну ад мінулага перыяду, а таксама пабудове лепшай будучыні: будучыні ўзаемнай
павагі і супрацоўніцтва паміж рэлігійнымі супольнасцямі краіны і дзяржаўнымі ўладамі
ў поўнай гармоніі паміж народамі і рэлігіямі краіны”, - выказаў упэўненасць кардынал
Дзяржсакратар.