Dita Botërore e Refugjatit. Shtohet numri i njerëzve, që ikin nga konfliktet.
U kremtua sot, Dita Botërore e Refugjatit, kushtuar sensibilizmit të opinionit publik
botëror për kushtet, në të cilat jetojnë njerëzit, që shtrëngohen të ikin nga vendet
e origjinës. Sipas të dhënave, botuar nga Kombet e Bashkuara, numri i njrëzve, që
janë detyruar të braktisin shtëpitë e tyre për shkak të luftërave e të persekutimeve
gjatë vitit 2011, është 4 milionë e treqind mijë vetë. E edhe numri i të ikurve,
që kanë marrë strehim politik, vijon të rritet, për shkak të konflikteve të reja
në Libi, Somali, e Jemen. Prej këndej, viti në vijim është vit rekord për zhvendosjen
e njerëzve, që ikin nga shtëpitë e tyre, duke kërkuar strehim brenda vendit, në vendet
fqinje ose edhe në vende më të largëta. Luftërat, zija e bukës, persekutimet, këto
janë shkaqet që i shtyjnë njerëzit e uritur të ravgojnë drejt vendeve të ngopura,
që nuk shqetësohen në masën e duhur për vërshimin e të pabukëve e tëpasterhëve, e
jo për faj të tyre. Prej këndej fati i refugjatëve duhet shikuar në perspektivë globale,
sepse edhe vetë fenomeni është global. Vetëm kështu mund të zgjidhen problemet e panumërta
të njerëzve në ikje, që sigurisht do të dëshironin të mbeteshin në vendet e tyre,
ose të shtegtonin në kushte shumë më të sigurta.