Кс. Ламбардзі абверг інфармацыю аб выяўленні “заказчыкаў і выканаўцаў” крадзяжу папскіх
дакументаў
Кс. Фэдэрыко Ламбардзі
адзначыў, што вялікую цікавасць з боку СМІ выклікала сустрэча Бэнэдыкта XVI з членамі
Камісіі Кардыналаў створанай у сувязі з крадзяжом і публікацыяй асабістых дакументаў
Пантыфіка. Кіраўнік Залы Друку Апостальскай Сталіцы адзначыў, што на сённяшні дзень
члены Камісіі выслухалі паказанні 23 чалавек – супрацоўнікаў Ватыкана, а таксама святароў
і свецкіх, якія не працуюць тут. Сярод іншых быў таксама выслуханы камердынер Святога
Айца Паоло Габрыэле, які абвінавачаны ў здзяйсненні злачынства і працягвае заставацца
пад вартай. Кс. Ламбардзі таксама абверг інфармацыю, якая з’яўвілася ў італьянскай
прэсе, адносна таго, што былі выяўлены “заказчыкі і выканаўцы” крадзяжу дакументаў.
“Нягледзячы
на тое, што з’яўляецца легітымным з боку СМІ пытацца аб заказчыках злачынства, аднак
не трэба ісці за негатыўнымі навінамі, якія кажуць выключна аб барацьбе за ўладу і
змовах”, - сказаў езуіт.