Харватыя: сустрэча праваслаўных і каталіцкіх іерархаў
Неабходна разважаць
“з павагай і адказнасцю над кожнай падзеяй мінулага”, бо “толькі так магчыма залячыць
раны і глядзець у будучыню спакойна”, - напісалі ў сумесным паведамленні кіраўнік
Сербскай Праваслаўнай Царквы Патрыярх Ірыней і каталіцкі арцыбіскуп Заграбскі кардынал
Ёсіп Божаніч. Яны прынялі ўдзел у сустрэчы паміж членамі Святога Сінода Сербскай Праваслаўнай
Царквы і Канферэнцыі Біскупаў Харватыі якая адбылася ў харвацкім Заграбе. “Удзельнікі
сустрэчы, як пастрыры сваіх вернікаў і як грамадзяне сваіх дзяржаваў, разумеюць, што
многія пытанні, якія тычацца мінулага, да сённяшняга дня застаюцца каменем перапоны”,
- адзначаюць іерархі. Яны звярнулі ўвагу на неабходнасць, як мага хутчэй, “праліць
свтло на тыя падзеі, да якіх да гэтага часу грамадская думка не праяўляе належнай
увагі, як у Сербіі, так і ў Харватыі”. Прадстаўнікі Праваслаўнай Царквы і Каталіцкага
Касцёла падтрымалі дзейнасць камісій, якія займаюцца раследваннем злачынстваў камуністычнага
рэжыма, і выступаюць за тое, каб былі належным чынам абазначаны магілы яго ахвяраў.
Акрамя таго, у звароце гучыць заклік да ўсіх, на кім ляжыць адказнасць за палітыку
і сацыяльнае жыццё, а таксама да ўсіх людзей, якія валодаюць інфармацыяй аб знікшых
падчас вайны 90-х гадоў мінулага стагоддзя і целы якіх яшчэ не былі знойдзены, дапамагчы
ў іх пошуку і паінфармаваць аб месцы іх пахавання”. “Гэта вялікі жэст чалавечнасці
і дапамогі сем’ям, якія да сённяшняга дня пакутуюць”, - адзначылі іерархі.