Վերախմբում` յանուն կրօնական ազատութեան։ ԱՄՆի կաթողիկէ եկեղեցւոյ
եպիսկոպոսական դասը Ատլանտիոյ մէջ ներկայիս կը գումարէ իր գարնանային լիանիստ ժողովը
։ Եպիսկոպոսները 13 յունիսին անգամ մը եւս հաստատեցին թէ իրենք դէմ են Օպամայի այն
քաղաքականութեան , որ կը միտի պարտադրել կաթողիկէ պաշտօնեաներուն գործել, առողջապահական
մարզէն ներս, հակառակ իրենց խղճին ու կրօնական համոզումներուն։ Ամերիկացի եպիսկոպոսները
կ'ամբաստանեն ներկայիս ամերիկեան կառավարութեան քաղաքականութիւնը կրօնական ազատութեան
դէմ։ Վատիկանի առաքելական դեսպանը Ուաշինկթընի մօտ` գերապայծառ Գարլօ Վիկանօ իր անվերապահ
զօրակցութիւնը յայտնած է ԱՄՆի կաթողիկէ եպիսկոպոսներուն։