15 чэрвеня Бэнэдыкт
ХVI прыняў Насіра аль- Насэра, старшыню 66-й сесіі Генеральнай Асамблеі ААН. Пасля
сустрэчы са Святым Айцом прадстаўнік ААН правёў размову з кардыналам Дзяржсакратаром
Тарчызіо Бэртонэ. У цэнтры перамоў была роля міжнароднай арганізацыі і яе Генеральнай
Асамблеі ў вырашэнні канфліктаў. Галоўная ўвага была нададзена канфліктам, якія працягваюцца
ў розных рэгіёнах свету, асабліва ў Афрыцы і на Блізкім Усходзе. У працэсе перамоў
была падкрэслена важнасць укладу, які ўносіць Каталіцкі Касцёл у справу міра і ўстойлівага
развіцця, а таксама ў супрацоўніцтва рэлігій і культур.