Papa pret kryetarin e Asamblesë së përgjithshme të OKB-së: impenjim i përbashkët për
paqen dhe zhvillimin.
Benedikti XVI priti sot paradite në audiencë, Nasir Abdulaziz Al-Naser-in, kryetar
i sesionit të 66-të të Asamblesë së përgjithshme të Kombeve të Bashkuara. Bisedimet
e përzemërta, njofton një notë e Sallës vatikanase të Shtypit, patën si temë kryesore
rolin e OKB-së e, në mënyrë të veçantë, të Asamblesë së Përgjithshme, për zgjidhjen
e konflikteve, duke i kushtuar vëmendje të posaçme atyre, që vijojnë të trondisin
zona të ndryshme të botës, posaçërisht në Afrikë e në Lindjen e Mesme, si dhe situatave
të rënda të emergjencës humanitare, që i pasojnë. Në vijim, përfundon nota, u
fol për kontributin e Kishës Katolike në shërbim të paqes e të zhvillimit, duke vënë
theksin edhe tek bashkëpunimi ndërmjet feve e kulturave. Para takimit me Papën,
Al-Naser u takua edhe me sekretarin e Shtetit, kardinalinTarçizio Bertone, që shoqërohej
nga imzot Dominik Mambertì, sekretar për marrëdhëniet ndërmjet shteteve.