Папа Бэнэдыкт XVI
паедзе 14-16 верасня ў Ліван. Святы Пасад пацвердзіў гэта 13 чэрвеня, публікуючы каляндар
мерапрыемстваў з удзелам Пантыфіка на бліжэйшыя месяцы. У апошні час з’явілася інфармацыя
аб тым, што візіт можа быць адменены ў сувязі баявымі дзеяннямі ў суседняй Сірыі,
пад уплыў якіх можа трапіць Ліван. У апошнія тыдні ў паўночналіванскім горадзе Трыпалі
дайшло да сутыкненняў паміж прыхільнікамі і праціўнікамі рэжыму Башара аль-Асада.
Адміністрацыя
Прэзідэнта Лівана і Канферэнцыя Каталіцкіх Біскупаў краіны ўжо на Вялікадзень агучылі
даты візіту Бэнэдыкта XVI. Нагодай для 24-ага замежнага падарожжа Папы стане публікацыя
выніковага дакументу Сіноду Біскупаў для Блізкага Усходу 2010 г.
Як вынікае
з календара, Бэнэдыкт XVI 15 ліпеня накіруецца з сваёй летняй рэзідэнцыі ў Кастэль
Гандольфа ў суседні горад Фраскаці. 15 жніўня, ва ўрачыстасць Унебаўзяцця Найсвяцейшай
Панны Марыі, Папа традыцыйна правядзе св. Імшу ў касцёле св. Тамаша з Віланова, які
знаходзіцца непасрэдна побач з яго летняй рэзідэнцыяй.