Нацыянальны дэлегат ад Беларусі на дублінскім Эўхарыстычным кангрэсе
У Міжнародным эўхарыстычным
кангрэсе, які пачаўся 10 чэрвеня ў Дубліне, прымае ўдзел нацыянальны дэлегат ад Беларусі,
кс. Ян Кучынскі, пробашч катэдральнага касцёла ў Гродне. Ён не ўпершыню прадстаўляе
Беларусь на такіх форумах, святар удзельнічаў у прошлым Эўхарыстычным кангрэсе ў Квэбэку.
На думку кс. Яна, у параўнанні з мінулай сустрэчай у Канадзе, дублінскі форум значна
саступае па колькасці ўдзельнікаў. Не ўсе жадаючыя нават з еўрапейскіх краін змаглі
прыехаць сюды з-за значных коштаў падарожжа і пражывання. Не гледзячы на гэта, Дублін
у гэтыя дні ператварыўся ў цэнтр эўхарыстычнай пабожнасці Касцёла, адзначыў кс. Ян
Кучынскі. Падчас сустрэч, канферэнцый, дыскусій гучыць галоўная думка мерапрыемства:
Эўхарыстыя з’яўляецца цэнтрам жыцця кожнага верніка.
Святар лічыць, што наспела
неабходнасць арганізаваць Нацыянальны эўхарыстычны кангрэс у Беларусі, па прыкладу
нашых суседзяў з Украіны, дзе сёлета ўпершыню прайшоў такі форум. Ён будзе карысным
для аднаўлення эўхарыстычнай пабожнасці вернікаў, разумення імі самой Эўхарыстыі,
лічыць кс. Ян Кучынскі. Асабліва важна нагадаць аб ролі і каштоўнасці Эўхарыстыі маладому
пакаленню хрысціян. Нацыянальны дэлегат перакананы, што правядзенне такога форуму
ў Беларусі цалкам магчыма.