Бэнэдыкт XVI да капеланаў грамадзянскай авіяцыі: быць сведкамі любові Хрыста ў аэрапортах
11 чэрвеня Бэнэдыкт
XVI прыняў на аўдыенцыі ўдзельнікаў XV Міжнароднага семінара каталіцкіх капеланаў
грамадзянскай авіяцыі. Папа адзначыў, што з радасцю прыняў навіну аб тым, што ўдзельнікі
форума разважаюць аб новых метадах і выразах евангелізацыі. “Дарагія сябры, вы добра
ведаеце, што пакліканныя рабіць прысутнай у аэрапортах свету, місію Касцёла – несці
Бога чалавеку і весці чалавека да Бога”, - сказаў Папа. Пантыфік падкрэсліў, што аэрапорты
ўсё больш становяцца часткай нашай глабалізаванай рэальнасці. “Тут сустракаюцца людзі
розных нацыянальнасцяў, культур, рэлігій, сацыяльнага і ўзроставага узроўню, а таксама
здараюцца сітуацыі, якія патрабуюць усё большай увагі; я думаю аб тых, хто жыве у
наспакойным чаканні, намагаючыся падарожнічаць без неабходных дакументаў у якасці
эмігранта ці бежанца; я думаю аб нязручнасцях выкліканых супрацьдзеянню тэрарыстычным
нападам”, - сказаў Папа. Ён адзначыў, што ў гэтым кантэксце, капеланы пакліканы з
новай сілай абвяшчаць Добрую Навіну словам, прысутнасцю, прыкладам і сведчаннем, а
таксама памятаць, што “людзі здольныя убачыць чалавека Божага і часта нават маленькае
зерне ў спрыяльнай глебе можа прынесці багатыя плёны”.
Святы Айцец звярнуў
увагу на тое, што ў аэрапортах увага людзей часта засяроджана на эфектыўнасці і прадуктыўнасці,
у той час, як варта нагадаць ім не заставацца абыякавымі да праблем бліжняга, салідарнасці
і любові. “Я заклікаю вас быць ззяючым знакам гэтай любові Хрыста, якая нясе спакой
і мір”, - сказаў Папа.
Папа падкрэсліў важнасці капліц, якія знаходзяцца на
тэрыторыі аэрапортаў. Пантыфік назваў іх “месцамі цішыні і духоўнага адпачынку”.