Papa: është më rëndësi që Eukaristia të ketë kultin publik
“Festa e Korpit të Krishtit është një akt i madh publik i Eukaristisë”. Këtë e kujtoi
dje Papa Benedikti XVI gjatë lutjes së Engjëllit të Tënzot në Sheshin e Shën Pjetrit
në Vatikan. Në fjalimin e shkurt drejtuar mase 50 mijë besimtarëve e shtegtarëve të
ardhur vendet e ndryshme të botës, Papa përmendi “dëshmitë më të lashta mbi liturgjinë
eukaristike”, për kujtuar se, “pas shpërndarjes së kungimit të shenjtë të pranishmëve,
diakonët ia çonin bukën e shuguruar edhe atyre që mungonin” në kremtim. E shtoi se
“solemniteti i Korpit e Gjakut të Krishtit na propozon përsëri vlerën e adhurimit
eukaristik”, duke nënvizuar me fjalët e Palit VI se “Kisha katolike e rrëfen kultin
e Eukaristisë jo vetëm gjatë meshës, por edhe jashtë kremtimit të saj, duke i ruajtur
me zell e përkujdes të madh hostet e shuguruara, e duke i bartur në procesion me gëzimin
e turmës së krishterë.