Кардынал Бэртонэ: Ян Павел ІІ – сведка і настаўнік культуры жыцця
Працягваецца візіт
кардынала Дзяржсакратара Тарчызіо Бэртонэ у Польшчу. Пасля наведвання культурнай сталіцы
гэтай дзяржавы Кракава, дзе іерарху была ўручана ступень ганаровага доктара Папскага
універсітэта імя Яна Паўла ІІ, кардынал Бэртонэ накіраваўся ў Лодзь. Тут ён прыняў
удзел у сустрэчы з дзеячамі культуры і навукі. У сваёй прамове да прысутных кардынал
паразважаў аб постаці Яна Паўла ІІ, як сведкі і настаўніка культуры жыцця. Ён адзначыў,
што ўсё жыццё благаслаўлёнага Папы было вялікім сведчаннем культуры жыцця, асабліва
ў моманты пакутаў. “Гаворыцца, што пакуты сталі адной з яго энцыклік”, - сказаў кардынал
Бэртонэ. “Папа Ян Павел ІІ ніколі не рабіў таямніцу са сваёй хваробы, і ніколі не
спрабаваў хаваць яе. Праз свае фізічныя пакуты ён заклікаў нас да Евангелля жыцця,
якое падштурхоўвае усіх: адзінокіх, сем’і, асацыяцыі і ўстановы, скіраваць свае намаганні
“каб законы дзяржавы ніякім чынам не парушалі права на жыццё”, а наадварот, спрыялі
“абароне фундаментальных правоў чалавека, асабліва самага слабога”, як у эмбрыянальнай
стадыі, так і паміраючага”, - падкрэсліў іерарх.
Гаворачы аб благаслаўлёным
Папе, як настаўніку культуры, жыцця кардынал Бэртонэ звярнуў увагу на важнасць энцыклікі
“Evangelium vitae” напісаную у 1995 г. Іерарх нагадаў словы Пантыфіка аб тым, што
сённяшняя чалавецтва знаходзіцца у цэнтры барацьбы паміж “культурай смерці” і “культурай
жыцця”, і сваімі штодзённымі выбарамі кожны з нас становіцца на бок адной ці іншай
сілы. Кардынал Бэртонэ назваў прычынамі ўзнікнення “культуры смерці” “паняцце свабоды,
якое узвышае абсалютным чынам асобнага індывідыўма, і робіць яго далёкім ад салідарнасці,
поўнага прыняцця і служэння іншаму”. Іерарх нагадаў словы Папы аб адказнасці сем’яў
за будаванне “культуры жыцця”: неабходнасці захавання цывілізацыі любові, ролі жанчын,
клопаце аб дзецях, моладзі і старых. “Абарона і спрыянне жыццю не з’яўляюцца манаполіяй
каго-небудзь, але заданнем і адказнасцю ўсіх”, - нагадаў словы Папы кардынал Бэртонэ.
Візіт іерарха ў Польшчу працягнецца да 13 чэрвеня. Кардынал Бэртонэ наведае
таксама гарады Быдгаш і Гданьск.